AL-UMMAR GARIN RINAYE DAKE GARIN GWANDU SUN ZIYARCI KWAMISHINAN KANA NAN HUKUMOMI DA MASARAUTU NA JIHAR KEBBI
Maigirma Kwamishinan Kananan hukumomi da masarautu na Jihar kebbi Rt. Hon. Hassan Shallah ya karbi bakuncin al-ummar garin Rinaye dake Mazabar Malisa a Karamar hukumar mulki ta Gwandu.
Wannan tawagar ta samu jagorancin hakimin Rinaye da wasu daga cikin shuwagabannin wannan yankin.
Tawagar sun zo ne da korafin rashin wutar lantarki a wannan yankin na Garin Rinaye dake Malisa, inda nan take Rt. Hon. Hassan Shallah ya nemi Kwamishinan Wuta da Ruwa na Jihar kebbi Hon. Nura Kangiwa (DU) domin gabatar da wannan koken.
Kwamishinan na Ruwa da wuta da yake jawabi ya Basu tabbacin Samar da wutar lantarki a wannan yankin tareda tabbatar musu da cewa Gwamnatin Maigirma Sanata Abubakar Atiku Bagudu a shirya take ko yaushe ta saurari irin wannan koken ta kuma Samarda dukkan bukatu domin Samarda ingantattar rayuwa ga al-ummar jihar kebbi.
Haka zalika Hakimin garin Rinaye yayi godiya ga Kwamishinan Wuta da Ruwa na Jihar kebbi bisaga cika alqawarin Samar da isassun ruwan sha da yayi musu a wannan garin na Rinaye.
Comments
Post a Comment